XII Feira da Ciencia e Tecnoloxía 2006
A Feira da Ciencia e Tecnoloxía é unha manifestación das capacidades dos alumnos que se celebra anualmente, dende o ano 1995, no IES Porta da Auga e que trata de levar fóra da aula o que os alumnos aprenden e son capaces de exteriorizar. Esta salientable actividade é agora un modelo para experiencias similares desenvolvidas fora e dentro de Galicia. Dese xeito o aprendizaxe pasa a ser transparente e impregnar o día a día dos propios alumnos. Na presente edición amosase un cento de experiencias, montaxes e pequenas investigacións entre os días 4 e 7 de Abril. Está prevista a visita organizada de diversos centros de ensino da bisbarra, ata un máximo duns 500 alumnos, que se verán guiados polos seus compañeiros do instituto, quenes ademáis lles ensinarán cada unha das experiencias. Conta co apoio da rede científica “Hands on Science” do programa Sócrates/Comenius da Unión Europea para o ensino experimental das ciencias, por ser membro asociado desta rede baixo a coordinación do Departamento de Física Aplicada na ETSE de Minas da Universidade de Vigo. Asimesmo, conta coa colaboración da Consellería de Educación e Ordenación Universitaria da Xunta de Galicia.
ORGANIZA : I.E.S. Porta da Auga
COORDINADOR:
Antonio Gregorio Montes
LUGAR: IES Porta da Auga (Ribadeo-Lugo)
DATAS: do 4 ao 7 de Abril
HORARIO: de 9:00 a 14:00 e de 16:00 a 17:00
Pódese descargar aquí o cartel PDF.
Pódese descargar aquí o tríptico PDF.
En toda
sociedade hai cousas que se fan ``na casa´´ de xeito exclusivo ou preponderante.
Son eses feitos os que teñen funcións máis íntimas, e, nese senso, máis vitais
no propio transcurrir das persoas. É evidente que a ciencia non ocupa un lugar
nese mundo máis interno, ó menos en xeral: non se realiza de xeito
preponderante, nin está presente na maioría dos casos no fogar.
Nembargantes, de continuo pode aludirse a ela dende aparellos ou accións que alí
se realizan. Algo que nos parece tan lonxano da vida diaria como a noción física
de campo ou a relatividade do movemento son elementos presentes nesa nosa
cotidianeidade. De feito, esta XII edición da Feira da
Ciencia e Tecnoloxía estará volcada de xeito preferente a aplicacións da
ciencia no fogar, ou, correlativamente, ó estudio cunha visión científica de
compoñentes elementais ou accidentais das nosas vivendas. Neste, como noutros
moitos casos, trátase de achegar a ciencia que nos atopamos por dondequeira que
miremos á realidade de tódolos días, esta vez meténdose polos resquicios que
deixa a porta do noso fogar.
