Ciencias nas Mans 2006 |
|
Por segundo ano consecutivo o I.E.S. Escolas Proval de Nigrán acolle a exposición interactiva de actividades e experiencias manipulativas “Ciencias nas Mans”, este ano incidindo no concepto da enerxía. Esta actividade está organizada por os departamentos de Bioloxía e Xeoloxía, Física e Química, Tecnoloxía e Electrónica do propio instituto conta co apoio da rede científica “Hands on Science” do programa Sócrates/Comenius da Unión Europea para o ensino experimental das ciencias, por ser membro asociado desta rede baixo a coordinación do Departamento de Física Aplicada na ETSE de Minas da Universidade de Vigo. Asimesmo, conta coa colaboración do Instituto de Estudos Miñoranos e as Concellerías de Educación dos Concellos de Nigrán, Gondomar e Baiona. O traballo desenvolvido o curso pasado foi galardonado cun dos premios á Innovación Educativa outorgados pola Consellería de Educación da Xunta de Galicia. |
|
ORGANIZA : I.E.S. Escolas Proval
COORDINADORES:
Salvador
Rodríguez Muñoz LUGAR: IES Escolas Proval (Nigrán-Pontevedra) DATAS: do 18 ao 21 de Abril HORARIO: de 9:00 a 14:00 |
Pódese descargar aquí o cartel PDF.
Pódese descargar aquí o tríptico PDF. |
"Ciencias nas Mans" reúne diversos elementos interpretativos e didácticos deseñados especificamente, xirando ao redor dunha montaxe expositiva que inclúe media centena de actividades rechamantes cos correspondentes paneis autoexplicativos, co claro obxectivo de espertar o interese cara á ciencia e conectala coa realidade, facendo ver que moitos feitos cotiáns pódense explicar con ideas científicas sinxelas. "Ciencias nas Mans" vai especialmente dirixido aos estudiantes de E.S.O. e Bacharelato dos centros educativos do Val Miñor. Para a participación na actividade, os grupos de alumnos convidados disporán da monitoraxe realizada por alumnos voluntarios do I.E.S. Escolas Proval que farán tarefas de apoio ao desenvolvemento da actividade durante a visita para guialos e ofrecerlles as explicacións necesarias. |
COLABORAN |
Programa Sócrates/Comenius da Unión Europea. “Hands-on Science”. |
Instituto de Estudos Miñoranos. |
Concello de Nigrán. |
Concello de Gondomar. |
Concello de Baiona. |